Akreditasaun ba kursu Administração de Negócios (MBA) ho grau Mestrado iha DIT

Dili, 09 Outubro 2021, Ajénsia Nasional ba Avalíasaun no Akreditasaun Akadémika (ANAAA) hala’o avaliasaun no akreditasaun ba kursu/programa Administração de Negócios (MBA) ho grau Mestrado iha Díli Institute of Technology (DIT) durante loron rua (08 & 09 outubro 2021), vizita avaliasaun loron rua ne’e envolve avaliador internasional Prof. Hazman Shah Abdullah husi Malaysian Qualifications Agency (MQA) – Malaysia liu husi plataforma virtual ZOOM no prezensa avaliador nasional rua maka hanesan: Dr. Nilton Paiva & Dr. Felix Piedade.

Objetivo husi avaliasaun no akreditasaun ida ne’e maka oinsa atu asegura elijibilidade & kualidade programa estudu administração de negócios (MBA) ne’ebé oferese husi instituisaun ensinu superior sira liu husi avaliasaun no akreditasaun kursu tuir padraun no kriteriu husi ANAAA.

Durante avaliasaun ida ne’e avaliador sira sei konfirma fali proposta no relatóriu auto-avaliasaun ba kursu administração de negócios (MBA) ne’ebé submete mai ANAAA.

Tuir ajenda, visita avaliasaun ida ne’e hetan partisipasaun maximu husi magnífiku reitor no estrutura, dosente, unidade IQA, no pesoal apoiu sira seluk no mos visita ba fasilidades inklui biblioteka ne’ebé maka iha departamento kursu administração de negócios (MBA) hodi haktuir ba padraun & kriteria ANAAA nian.

Ikus liu, avaliasaun durante loron rua no atividade husi avalisaun ida ne’e finaliza ho relatóriu provisóriu no rekomendasaun balun husi ekipa panel ne’ebe pertinente tebes no rezultadu final husi avaliasaun ida ne’e sei públika husi ANAAA iha tempo tuir mai hodi hadia programa estudu refere.