Dili, loron 31 fulan Maiu tinan 2022- Diretur Ezekutivu ANAAA Dr. Edmundo Viegas, Akompaña husi Ofisiais Kualidade no Tékniku Juridiku, partisipa reuniaun ne’ebe hala’o ho forma virtual iha III Konferénsia Internasional ba Ajénsia Reguladora Ensinu Superior sira iha Estadu-membru CPLP, ne’ebe organiza husi Instituto Nacional de Avaliação, Acreditação e Reconhecimento de Estudos de Ensino Superior (INAAREES) Angola.
Iha III konferensia ne’e hala’o ho tema “Cooperação Multilateral como Base de Fomento do Fortalecimento dos Sistemas Nacionais de Avaliação e Acreditação da Qualidade do Ensino Superior no espaço da CPLP.”
Iha sesaun abertura, hetan prezensa husi Sekretariu Ezekutivu CPLP nian Dr. Zacarias da Costa, no Ministra Ensinu Superior, Siensia, Teknolojia no Inovasaun Angola nian Dra. Maria do Rosário Sambo.
Reuniaun ne’e hala’o ho painel 4, no sesaun dahuluk nian, iha nebé Diretur Ezekutivu ANAAA Dr. Edmundo Viegas halo aprezentasaun ho tema “Cooperação Técnica Multilateral e Interajuda como Pilares Estratégicos do Fortalecimento dos Sistemas Nacionais de Garantia de Qualidade da CPLP” Timor-Leste aprezenta ho nia sub tema “O Contexto Regional da Asia Pacífico.”
Hola parte mos iha sesaun dahuluk nian Vice-Reitor UNTL nian Dr. Samuel Freitas nebé aprezenta ho tema “Práticas da Garantia de Qualidade Interna Académica da UNTL.”
Atu reforsa tan katak, iha reuniaun ne’e hetan partisipasaun makas husi entidades hotu nebe halao servisu konaba Ajensia Reguladora Ensinu Superior iha nasaun membru CPLP nian.
Angola asume hela nia funsaun hanesan Prezidensia CPLP nian iha XIII Konferensia ba Xefe Estadu no Governu, nebé halao iha Luanda iha fulan jullu tinan 2021.