Nudar instituisaun akreditadu ida, Instituisaun Ensinu Superior (IES) sira iha devér ba públiku hodi submete relatóriu auto-avaliasaun kona-ba progresu saida deit mak Instituisaun Ensinu Superior (IES) sira hala’o tiha ona durante tinan ida nia laran. Relatóriu refere submete kada tinan ba ANAAA no sei hetan avaliasaun husi ANAAA.
Objetivu husi Relatóriu Progresu Anuál mak hanesan tuir mai ne’e:
- Atu lori kultura ba sabedouria, koñesimentu, no importánsia husi auto-avaliasaun iha kada instituisaun ensinu superior;
- hanesan prosesu ida hodi hadi’a kualidade interna atu hakat ba iha kualidade externa;
- Atu énfaze ba importánsia husi evaluasaun kontinua, avaliasaun akadémiku, no hadi’a kualidade iha instituisaun ensinu superior;
- Atu monitoriza lalauk no progresu husi kada instituisaun ensinu superior akreditadu iha rai laran hodi kumpre nafatin padraun no rekizitu hanesan haktuir iha Manual ba Akreditasaun Institusionál.
Relatoriu Progresu Anual sei halo deit iha nível institusional, iha futuru, sei hálo ba nível programa sira ne’ebe hetan tiha ona akreditasaun. Kritériu ne’ebé utiliza ba iha avaliasaun refere mak hanesan ho Akreditasaun Institusionál; kriteriu 8 no padraun 4 ne’ebé iha.
Tuir lei, kada avaliasaun sei forma ekipa konjuntu husi avaliador internasionál nain 1 no avaliador nasionál nain 2. IESA ne’ebé la submete ninia relatóriu iha tinan 2 tuituir malu sei hetan sansaun husi ANAAA; katak ninia status akreditasaun sei hetan withdrawal ka retira husi ANAAA.