Serimonia Tomada de Posse.
Ajénsia Nasional ba Avaliasaun no Akreditasaun Akadémika (ANAAA) hanesan ajénsia autónoma ne’ebé kria liu husi Decreto-Lei n° 27/2014, de 10 de Setembro, ho alterasaun dahuluk husi Decreto-Lei n° 21/2010, de 1 de Dezembro, tutela no superintendénsia husi Ministro do Ensino Superior, Ciência e Cultura (MESCC) ho kna’ar prinsipál maka atu promove avaliasaun kualidade no akreditasaun ba Estabelesimentu Ensinu Superior no Siklus Estudu sira iha Timor-Leste.
ANAAA relaiza serimónia tomada de posse ba presidenti eleito Dr. Azevedo Marçal iha loron sexta feira, 30 fulan abril tinan 2021 iha Salun Konferénsia, IAN MARTIN-INFORDEPE, Balide, Dili, Timor-Leste. Haktuir ba aprovasaun proposta husi S. Excia. Ministro do Ensino Superior, Ciência e Cultura kona-ba kandidatu presidenti ANAAA ba periodo tinan 2021 até tinan 2023 no Dr. Azevedo Marçal maka eleitu nudar presidenti ba ANAAA durante tinan rua liu husi eleisaun ba kargu presidenti konsellu diretivu ne’ebé hala’o iha loron-08, fulan-abril tinan 2021.
Serimónia Tomada de posse ne’e preside husi S. Excia. Ministro do Ensino Superior, Ciência e Cultura- Dr. Longuinhos dos Santos no bênsaun husi Sr. Padre Manuel Pinto, SDB.