Enkontru Extra-ordináriu ba Eleisaun Prezidente KD ba periodu 2021-2023

Ajénsia Nasionál ba Avaliasaun no Akreditasaun Akadémika (ANAAA) hanesan ajénsia autónoma ne’ebé kria liu husi Decreto-Lei n° 27/2014, de 10 de Setembro, ho alterasaun dahuluk husi Decreto-Lei n° 21/2010, de 1 de Dezembro, tutela no superintendénsia husi Ministro do Ensino Superior, Ciência e Cultura (MESCC) ho kna’ar prinsipál maka atu promove avaliasaun kualidade no akreditasaun ba Estabelesimentu Ensinu Superior no Siklus Estudu sira iha Timor-Leste.

Iha loron Quinta-Feira, 08 abril 2021 ANAAA realiza enkontru extra-ordináriu ba eleisaun prezidente konsellu diretivu foun ba periodu 2021-2023. Kandidatu presidenti konsellu diretivu ne’e haktuir ba aprovasaun husi S. Excia. Ministro do Ensino Superior, Ciência e Cultura (MESCC) liu husi proposta nomeasaun, loron 5 fulan marsu tinan 2021 kona-ba naran kandidatu ba kargu presidente konsellu diretivu ANAAA nian maka hanesan tuir mai ne’e:

1. Sr. Azevedo Marçal, PhD.
2. Sr. Pe. Augusto da Costa, PhD.

Rezultatu hatudu katak: Sr. Azevedo Marçal, PhD. mak eleitu nu’udar Prezidente konsellu Diretivu ANAAA ba períodu 2021-2023.

Tuir mai lista estrutura Konsellu Diretivu ANAAA:

1. Prezidente Konsellu Diretivu: Sr. Azevedo Marçal, PhD.
2. Reprezentante husi Universidade Públika: Sr. Samuel Venâncio de Sousa Freitas, Ph.D (Pró-Reitor dos Assuntos Académicos da UNTL)

3. Reprezentante husi Universidade Privada: Sr. Florindo Pereira, Ph.D. (Magnífico Reitor da UNITAL)

4. Reprezentante husi Instituto de Ensino Superior : Reprezenta husi Vice Reitor do IOB.
5. Reprezentante husi Academias e Politécnicos: Irmão Peter Corr, fms (Presidente do ICFP)

6. Reprezentante husi Câmara de Comércio e Indústria de TL (CCI-TL): Sr. Dr. João de Carvalho Fernandes (Vice-Presidente CCI-TL dos Assuntos da Educação e Saúde)

7. Reprezentante husi Ordens e Associações Profissionais: Sra. Natália de Araújo (Presidente de Associação das Parteiras de TL)

8. Perito Nacional de área da Qualidade do Ensino Superior: Sr. Prudêncio da Silva, PhD. (Perito Nacional de Garantia da Qualidade)

9. Reprezentante husi Direção Geral do Ensino Superior do Ministério do Ensino Superior Ciência e Cultura, Sra. Maria Filomena Lay (Diretora Geral do Ensino Superior do MESCC)

10. Reprezentante husi ANAAA: Sr. Edmundo Viegas, PhD. (Diretor Executivo da ANAAA)

11. Reprezentante husi INDMO: Sr. Jacinto B. Gusmão (Representante da Comissão Executiva do Instituto Nacional de Desenvolvimento de Mão-de-Obra (INDMO).

Hatutan husi eleisaun ida ne’e, serimónia “Tomada de Posse” ba Prezidente eleitu no membru Konsellu Diretivu hotu sei realiza iha tempu badak.

Enkontru ekstra-ordináriu ida ne’e realiza iha Salaun IAN MARTIN, INFORDEPE, Balide, Díli.

Parabéns ba Sr. Azevedo Marçal, PhD. ne’ebé eleitu ba periodu tinan rua (2021-2023)